Ак көйнөк кийип күйөөгө тийгим келет, жигитимди кантем?..
Мен 21демин, сүйлөшкөн жигитим бар, 27 жашта. Башка жакшы жерлерден жуучулар келип атышат. Апамдар да “турмуштун эртеси жакшы, күйөөгө чык” деп жанымды койбой жатышат. Ошого сүйгөнүмө ачык эле “жуучулар келип атышат. Келип мени алып кетпесең, куру каласың” дедим. Жигитим жөнөкөй үй-бүлөдөн, жакшы бала, бири-бирибизди жакшы көрөбүз. Ал мага “азыр шартым жок, кымбатчылык да болуп атат. Той кылбай эле ала качты сыяктуу кылып алып кетсем болобу?” дейт. “Ак көйнөк деле кийбей, мындай эле кыргыз көйнөк алып берсем кандай карайсың? Татынакай болуп кыргыз кызындай келин кылып алып кетмекмин” дейт. Бирок ак көйнөк кийип, той менен, ата-энемдин ак батасы менен турмушка чыгуу, вальс бийлөө – кичинекейимден берки кыялым болчу. Эмне кылсам? Кеңеш бериңиздерчи? Кантип тойго көндүрсөм болот? Мейли, чоң той болбосо да кантип той күнү ак көйнөк кийүүгө көндүрсөм болот?
