Элдар Абакиров: “Бизде тилекке каршы, ишкерлерге ар кандай басымдар болуп жатат”
-- “Бизнеске ашыкча басым-кысым жасоо уланууда. Бул азыркыдай каатчылык маалда ишкер чөйрөгө жана инвестициялык климатка терс таасирин тийгизиши мүмкүн” деп бизнес акыйкатчы билдирди. Бул абал боюнча оюңду уксак?
-- Негизи ишкердин мамлекет алдында эки эле милдети бар: салыкты мыйзам чегинде, убагында төлөө. Андан тышкары, экологияга, бирөөнүн ден соолугуна зыян алып келбөө. Ушул эки нерсени аткарса, мамлекет дагы, эл дагы ишкерди колдошу керек. Андай нерсени кыла албаган мамлекет ишкери жок калат. Ишкери жок калганда бюджет талкаланып, банкрот болот. Бизде акыркы учурда, тилекке каршы, ишкерлерге ар кандай басымдар болуп жатат. Бул инвестициялык климатка зыян алып келет. Анткени мунун баары жалпы маалымат катары интернет булактарына чыгууда. Анын баарын башка инвесторлор көрүп, бул өлкөгө келгенден коркот. Мамлекет ошонун баарын эсепке алып, иш кылышы зарыл. Болбосо бул акыры экономикага, элге зыян.
Жамиля Нурманбетова
"Азия Ньюс" гезити
