Идиреги күчтүү Нурлан Исмаилов кыргыз спортун алдыга гана жылдырат
Нурланбек Исмаилов жаштар иштери, дене тарбия жана спорт боюнча мамлекеттик агенттикке караштуу спорттун олимпиадалык түрлөрү боюнча дирекциясынын директору болуп төрт жылдык мөөнөткө дайындалды.
Бул расмий дайындоого абдан кубанып отурам. Нурланды бала чагынан жакшы билем. Эс тартканы абдан зирек чоңойду. Ата-эненин тарбиясын көргөн бала. Элпектигин айтпа. Бир чети тууганым, бир чети кошунам. Жаштайынан спортко ыктап, грек-рим күрөшүнө бет алып, эл аралык спорттун чебери болду. Ал эми күрөш килеминдеги бийик көрсөткүчтөрүн айтып отурсам кагаз бети чак келбес. Учурда иштесе ишке тойбой турган чагы. Кыргыз спортуна ат көтөргүс салым кошуп, алдыга жылдырарын терең ишеним менен айта алам. Өсө турган жигит, ийгилик гана каалайм!
Сурат Жылкычиев
"Азия Ньюс" гезити
