Акыркы кабарлар
» Саясат » Өзбекстандан 10 миң долларга чейин зер буюмдарды алып чыгууга уруксат берилет
Өзбекстандан 10 миң долларга чейин зер буюмдарды алып чыгууга уруксат берилет
08-ноябрь, 12:53
Өзбекстан президенти зергерчилик тармагын колдоо боюнча атайын чаралар кабыл алынарын кабарлады. Ага ылайык, 1-декабрдан тарта жеке жактарга өлкөдөн 10 миң долларга чейинки зер буюмдарын чыгарууга уруксат берилет (азыр 5 миң доллар), зергерлер сырьену алып кирүү жана алып чыгуу үчүн лицензиядан бошотулат жана баалуу таштарды импорттоо үчүн пошлина төлөбөйт.
7-ноябрда Шавкат Мирзиёев жергиликтүү өндүрүштү өнүктүрүү боюнча жыйын өткөргөн. Бул тууралуу жергиликтүү басылмалар кабарлашты.
Мирзиёев облус башчыларына Самарканд, Бухара, Кокондо зергерлик боюнча соода-өндүрүш комплекстерин ишке берүүнү тапшырды.
2019-жылы зергерлер өндүрүлгөн буюмдарга өз алдынча проба коюуга жана сатууга, мындан тышкары, калктан баалуу металлдарды, таштарды жана алардан жасалган буюмдарды сатып алууга уруксат алышкан.
