Журналисттер союзу “жалап-жуктамайдан” башканы билишпейби?
Илгеркиси эсибизде. Журналисттер союзу СССР кезинде маанилүү эле. Кайсы бир деңгээлде коомчулукка пайдалуу иштерди алып барышчу. Ал эми эгемендүүлүк алгандан бери ойрону чыгып калган. Бул союзду башкарууга кошоматчылар келе беришип, эч кандай маанилүү иштерди бүтүрүшкөн жок. Азыр “аты улук, супарасы курук” боюнча турат. Ким кетип, кимиси келгени менен таасирдүү журналисттер кызыгышпайт деле. Бир ууч топ гана бийликке жагалданышып, арзыбаган кептер менен алпуруша беришет окшойт. Же мааниси чыксачы? Бир чети күлкү келерлик. Чыныгы калемгерлер олуттуу көңүл бурушпаса, анан журналисттер союзуна кимдер кызыгат? Бул уюм адилеттүүлүктү, калыстыкты айта алышпай мукурашса, кулдук урмайдын гана күнүн көрүшөбү? “Жалап-жуктамайынча” тура алышпайбы? Түшүнүксүз. Кыскасы, жийиркеничтүү го?..
"Азия Ньюс" гезити
