Күч органдары Каныбек Туманбаевдин сары изине түштүбү?
“Унаа” ишканасынын директору Руслан Жокоев мыйзамсыз баюу жана коррупциялык схема түзүү боюнча айыпталып, камакка алынган. Бул кадр үй-бүлөгө жакын мамилелеш экени каңкууланып келген эле. Чиновниктердин арасында кызуу талкуу жаратты. Коомчулук таңгалууда. Көп өтпөй Садыр Жапаров коррупцияга каршы күрөштө эч кимди аябай турганын айтып, маек берди. Эгерде жеп-ичүүгө байланышкан материалдар аныкталса, ким болбосун жоопкерчиликке тартылары ачыктала баштады. Мындай жагдайда күч органдарындагы кыраакы кызматкерлер Каныбек Туманбаевдин сары изине түшүү менен сенсация жаратышабы? Азырынча кеп кетти. Президенттин иш башкармалыгындагы эсеп-кысаптар, ипотекалык үйлөрдүн салынуусу сыяктуу көптөгөн иштердин каржылык жагына кызыккан атайын адистер жөн жерден баш көтөрүшпөсө керек, туурабы? Эмесе, Каныбек Туманбаевдин “көмүскөдөгү аракеттерине” абай сала туралы.
"Азия Ньюс" гезити
