Бурулайдын өлүмүнө айыпталган Марлис Асанов ыр-кесеге өткөндө
Жалал-Абад ОИИБ начальниги Марлис Асановдун ишмердиги анчейин деле кулакка сиңимдүү эмес. Ириде коомдук коопсуздук абалды, тартипти көзөмөлдөш керек. Ачылбай жаткан кылмыштарды ач, өздүк курамга үлгү көрсөт, анан гана маданий иш-чараларды өткөрсө туура. Тилекке каршы, мунуку баары аралашып калды. Башынан ээрге кыйшык отурган кадр катары белгилүү. Чүй ОИИБ орун басар кезинде чырактай кыз Бурулайдын өлүмүнө айыпталып, кайдыгерлиги, шалаакылыгы үчүн кызматынан алынган. Бул окуя дүйнөгө дүң болгон. Себеби, Жайыл РИИБ имаратынын ичинен Бурулай канкордун колунан бычакталып өлтүрүлүп атат. Облустагы баардык кылмыштардын алдын алуу, көзөмөлдөө иши Марлис Асановго жүктөлгөн эле. Ошентип, оркойгон катачылык кетирип, кызматынан шыпырылган. Кийин жогору жакка жол тааптыр. Улам бир “майлуу креслону” минип келатат. Көзгө сүртө турган эмгеги барбы? Ооба, шылдыракчыларды коштотуп, ыр-кесе өткөргөндү билет экен.
"Азия Ньюс" гезити
