Кечээ Илмиянов “Манасты” алса, Сакиевге “Даңк” ордени кеп бекен?
“Кыргыз темир жолу” ишканасынын директору Азамат Сакиев “Даңк” ордени менен сыйланды. Көрүнүктүү кадр катары пиарщиктери макташууда. Көрсө, Бишкек–Балыкчы каттамына випвагон жасалгалаптыр. Ага президент түшүптүр. Дагы айтсак, темир жол курулуп атыптыр... Ушундай. Супсак эле бекен? Бирок Азамат Сакиев “мамлекеттик бийик даражалуу” делген сыйлыкка татып отурат. Аныгында, мындай наамдардын баркы эчак эле кеткен. Ар бир бийликтин тушунда кошоматчы-дүжүрлөр туйтунушуп, кол ийрисине тартышып, шопуру Икрам Илмияновго чейин “Манас” орденин берип жибергенин билебиз. Ошон үчүн салабаттуу, анык татыктуулар, эмгеги сиңгендер баарын түшүнүшөт, сый-ургаалга кызыгышпайт деле. Болгону убактылуу шылуундар гана ар бир доордун пайдасын көрүшүүдө...
"Азия Ньюс" гезити
