Арапбаевдин цемент заводу Аравандыктардын көйгөйүнө айландыбы?
Ош облусунун Араван районунун тургундары жергиликтүү цемент заводунун дарегине бир катар нааразычылыктарын билдиришти.
Алардын айтымында, Араван цемент заводу биринчи кезекте айлана-чөйрөнүн экологиясын бузат.
Негизи завод жергиликтүү жамаатка, атап айтканда, айлана-чөйрөгө инвестиция салышы керек, бирок заводдун жетекчилиги тарабынан эч нерсе жасалган жок. Ишканадан айлана-чөйрөнү бузуучу ар кандай таштандылар чыгат, бирок жергиликтүү калк үчүн компенсация төлөнбөйт. Ошондуктан биз өкмөттөн көз карандысыз экологиялык экспертиза жүргүзүүнү жана бул маселе боюнча коомдук-мамлекеттик комиссия түзүүнү талап кылабыз.
Мындан тышкары: “Завод жергиликтүү калкка эч кандай жардам бербейт, пандемия учурунда, заводдун жетекчилиги тарабынан эч нерсе жасалган жок,”- деп билдиришет Араван районунун тургундары.
"mezgilnews.kg"
