Чабал губернатор...

Президенттин Ош облусундагы өкүлү болуп Элчибек Жантаевдин дайындалганына бир жылдан ашык убакыт өттү. Бул аралыкта өзүн көрсөтүп, ишин жөнгө салып коюш керек эле. Тилекке каршы, чеке жылытчу ийгилигин көрө алган жокпуз. Баягы эле эски ыкма менен башкаруу, эптеп күн өткөрүү. Аймактарды кыдырып коймой, чиновниктей түр көрсөтмөй, майда-барат иштер. А назилинде инвестиция тартып, өндүрүшкө салым кошуу демилгелерин көрө алган жокпуз. Тышкы өлкөлөр менен алака түзүп, социалдык-экономикалык абалды оңдоо таризинде кызматташууларга шаасы келбейт экен. Масштабдуу, жогорку деңгээлдеги идеялардын үстүнөн иштөөгө дарамети жетпесе, күнүмдүк көйгөйлөргө байланып, убакытты уттуруп атканы ошол да. Губернатордун ырааттуу иш багыты, программасы болбосо, кароолчудай эле жүргөнү кимге опо? Кыскасы, Элчибек Жантаев кызматты кор кылып, эл менен да алгылыктуу кызматташа албай, артка кеткени жашыруун эмес. Жадагалса акимдер тоготпой калышса, анан эмне дейсиңер? Чабал губернатор катары сыпатталууда...
"Азия Ньюс" гезити