Төрдө отурганы Примов болсо, көпчүлүк депутаттарга кандай баа бересиңер?
Коммерсант катары телчигип, көмүр сатууда “салык жашырууга шектелген” Улан Примовду таанып калдыңарбы? Алгач Ош шаардык кеңешинде депутат, кийин Жогорку Кеңешке КСДПнын артынан эптеп илинген. Саясый ой жүгүртүүсү чабалдык кылса да, кошомат кылуу, акчанын күчү менен көтөрүлүп алды. Убагында Алмамбет Анапияевге “отметка” кылып жүргөнү жалганбы? Бул суроого качып эле жооп бербейт... Учурда парламентте вице-спикер катары иштеп атат. Төрдө отурганы ушул болсо, көпчүлүк депутаттарга кандай баа бересиңер? Эгерде Жогорку Кеңештин катмары интеллигенциядан, аткаруу кызматындагы тажрыйбалуу жетекчилерден, илимий чөйрөдөн куралса, баркталат эле, туурабы? Ага болбой эле негизинен соода-сатык, базар, спорт залдардан келип атышпайбы. Ошон үчүн алгылыктуу мыйзамдар жазылбай, натыйжалуу иштер жүрбөй, мамлекетибиз өнүкпөй атат да...
"Азия Ньюс" гезити
