Мурда кылмыш иштерине кабылган Таалайбек Өмүралиевдин текирең таскагы
2015-жылы Таалайбек Өмүралиевге “Кызмат абалынан кыянат пайдалануу”, “Ишенип берген мүлктү ыйгарып алуу” жана “Кызматтык жасалмалуулук” беренелери боюнча кылмыш иштери козголгон. Ал 2011-2014-жылдар аралыгында коргоо министри катары иштеген эле. Ошондо көп былыктарга чалынып, кийин айыбы чыгып отурбайбы. Эми кайрадан коргоо министри катары тандалганы таңгалдырды. Өзү деле ашыкча сөз болорун ойлоп, моралдык жагын эске алуу менен баш тартса болбойт беле? Эгерде бийликти сындаган адам болсо, анда саясый куугунтукка кабылган катары жорусак жарашмак. Таалайбек Өмүралиев андай эмес да, буйрукту “кыңк” дебей аткарган бир пенде. Аттиң, эл бийликтен көп ийгиликтерди күтүп атканда, мындай “иритмелердин” өкмөткө топтоло баштаганы жакшы жышаан эмес.
"Азия Ньюс" гезити
