Сурабалдиева эртелеп эле парламенттик шайлоого даярданып алды
Вице-премьер-министр Элвира Сурабалдиева ээрге эптешкени иштин көзүн билбесе да, пиар менен алектене баштады. Адеттеги кыдырмайларга азгырылып, тыкылдап текшеримиш этип, текирең таскакка салууда. Баскан кадамын соцтармакка жарыялап, сүрөткө болушунча сулуу түшкөнгө жандалбастап, айтор, беймаза болууда. Байкаловго окшогон сергек жигиттер дароо байкагандай, көрсө, Сурабалдиева алдыртан эле парламенттик шайлоого даярданып, элге кебездей көрүнүп калуунун амалында жүргөн кербези экен. Кызык, ары-бери чапкылап, ичип-жеп, шубасын жарнамаласа да мамлекеттин эсебинен жүргүзөбү? Кыйын шартта Элвира эсиргенди коюп, иштеш керек, али Жогорку Кеңешке качан шайлоо болору белгисиз. Бүгүнкү “суйкая” сүрөткө түшкөнү, жасалма жүрүшү эртең эле унутулуп калат.
"Азия Ньюс" гезити
