Өмүрбек Текебаев шайлоодо Садыр Жапаровду өткөзбөй коюуга күчү келеби?
Учурда эки саясатчынынын тирешүүсү күчөп баратат. Конституцияны өзгөртүүдөгү карама-каршылыктар, алым сабак айтышкандары, 1 миллион доллар чатагы, ж.б. чукушмайлары курчуп бараткан чак. Негизи эле Өмүрбек Текебаев жаңжал чыгаруу менен элдин маанайын буруу жагынан кыйын. Бул саам да президенттик шайлоого чейин Садыр Жапаровдун рейтингин болушунча түшүрүп, ага атаандаш талапкерлер менен жакшы мамиледе болуп, саясый кырдаалды өзгөртүүгө стратегия, тактикаларын баштаган кербези. Эң башкысы, коомчулуктун көңүлүн буруу үчүн тынымсыз амалдар менен жан үрөйт. Эгерде Садыр Жапаров президент болуп шайланып калса, анда эле Өмүрбек Текебаевдин түбүнө жетет. Эмне кылуу керек? Барган сайын чыр-чатактар көбөйсө, шайлоонун акыры жараксыз абалга такалышы мүмкүн. Карапайым калк эки-үч жаатка бөлүнсө... Мындайга эл аралык коомчулук да кызыкдарбы? Айтор, “Көкөтөйдүн ашындай” эле алдыда “чоң көк бөрү” оюну башталганы калды...
Aryba.kg
