Карарган деңиздин үстүнө чайыттай тийген күн да чыгат...
УКМК абагындагы Райымбек Матраимовдун камактагы мөөнөтү сот тарабынан 26-июнга чейин узартылды. Албетте, биз жана коомчулук тергөөдөгү маалыматтардан кабарсызбыз. Бирок жалпысынан иш жакшы нукта бүтө турганын боолголоп турабыз. Ал эми эл арасында Райымбек Матраимовго карата боор тартуу арбын. Маанай кескин түрдө өзгөрдү. Мурдагыдай айрым сын-пикирлер деле жокко эсе. “Жыгылганды теппейт” деген кыргызда мырзалык накыл кеп бар эмеспи. Анан калса, каарманыбыз көп жылдар бою муктаждарга жардам берип жүрүп, элге эмгеги да сиңип калыптыр. Эр жигиттин башына не деген гана сыноолор келбейт? Баары Кудайдын колунда. Адам маңдайына жазылган тагдырдан алыс кете албаса керек. Бул күндөр да өтөт. Карарган деңиздин үстүнө чайыттай тийген күн да чыгат...
"Азия Ньюс" гезити
