Генерал Сүйүн Өмүрзаковдун ордуна Бакыт Матмусаев чуркап атабы?

13-ноябрь, 18:03

1 438 ᠌ ᠌ ᠌ ᠌᠌ ᠌ ᠌᠌

“Өлө элек аюунун терисин талашкан” икая эске түшүүдө. Кызык. Генерал Сүйүн Өмүрзаков эки тараптуу пневмонияга кабылып, ооруканада жатса, анын ордуна Бакыт Матмусаевдин чуркап атканын өздүк булагыбыз билдирди, аныкпы? ИИМ ичинде тымызын кадрдык өзгөрүүлөр күтүлгөнү, кресло үчүн чуркагандар арбын экени каңкууланды. Бакыт Матмусаев качып кеткен Кашкар Жунушалиевдин жакын досу катары соңку жылдары үч-төрт кызматты алмаштырып, учурда да “майталкандын” үстүндө отурат. Эми ИИМдин 1-орун басарлыгына секирик жасоого далалаттанып атса, ийгиликке жетүүгө аз калган кербезиби? Баса, Сүйүн Өмүрзаковду кызматтан кетирүү үчүн интрига кылышып, куугунтук жасоо иретинде иниси Улукбекти камашканбы? “Иттин өлүгү” ушул жакта көмүлгөнбү?..

Aryba.kg