Акыркы кабарлар
» Саясат » АКШнын президенти кыргызстандыктарга жол ачат
АКШнын президенти кыргызстандыктарга жол ачат
10-ноябрь, 12:15
АКШнын жаңы шайланган президенти Джо Байден 20-январда ишине расмий киришери менен бир катар мыйзамдарга кол коёру белгилүү болду. Анын арасында кыргызстандыктар үчүн да жакшы жаңылык бар.
ТАСС маалымат агенттигинин жазганына таянсак, жаңы лидер АКШнын Дүйнөлүк саламаттыкты сактоо уюмунан чыгуусу тууралуу мурдагы президент Дональд Трамптын буйругун жокко чыгарып, ошондой эле климат боюнча Париж келишимине кайтып келүү буйругун чыгарат. Муну менен катар эле бир катар мусулман өлкөлөрүнүн жарандарына, анын ичинде Кыргызстандын жашоочуларына АКШнын аймагына кирүүгө уруксат бермекчи.
Эске сала кетсек, Дональд Трамп былтыр Кыргызстандын жарандарына АКШнын аймагына кирүүгө тыюу салып, виза берүүгө уруксат бербөө буйругун чыгарган эле.
