Билимдүүлөр чет элде, төрдө Шакиевге окшогондор...
Эчен кылымдарды карыткан Улуу Британиядагы Кембридж университетине Жогорку Кеңештин төрагасы Нурланбек Шакиев барыптыр. Депутаттардын коштоосунда. Агрардык институтта окуган Шакиев үчүн бул чоң ачылыш болуп, аябай таңгалганын жанындагылар эле жайып жиберишти. “Көргөндөн көрө элегиң көп” дегендей кеп да. Ушул жерден олуттуу негиздемеге токтололу. Гарвард, Оксфорд, Кембридж, Пекин жана башка университеттерди бүткөн эл аралык деңгээлдеги билимдүү, кесипкөй кыргыз адистери чет өлкөлөрдө абройлуу компанияларда иштеп жүрүшөт. Алар кыкеңдердин сасык саясатына аралашып, булганып калуудан обочо турушат экен. Бийлик мына ошондой жаштарды аткаруу кызматына тартып, алардын билим, тажрыйбасын пайдаланганда Кыргызстан өнүгүүгө бет алмак. Тилекке каршы, төргө “орто заар” Шакиевге окшогондорду чыгарышып, кастарлап отурушса, анан кайдагы өсүүнү айтасыңар?
"Азия Ньюс" гезити
