Акыркы кабарлар
» Саясат » ИИМ ишке албай койгон Рыскул Жапаркуловдун мэр болорун эшиттик
ИИМ ишке албай койгон Рыскул Жапаркуловдун мэр болорун эшиттик
26-февраль, 19:30
Акүйдөгү булактарыбыздын айтымында, март айында Кара-Балта шаарынын мэрлигине мурдагы “кызыл шапкечен” Рыскул Жапаркулов дайындалат экен. Бул маселе “жең ичинен” чечилип калганы таңгалычтуу. Көп жыл милиция кызматында иштеген полковник эмнеге өз багытында кеткен жок? Көрсө, көмүскөдө кызыктар бар тура. Үч жылдан ашык убакыттан бери Рыскул Жапаркулов ИИМге ишке кире албай, четке кагылыптыр. Себеби, жердешчилик оюндарды жасаганы үчүнбү? Кой-Таш окуясына чейин Алмазбек Атамбаев тарапка өтүп, андан кийин позициясын өзгөртүп, күч каякта болсо ошол жакка ооп, тескери көрсөтмө бергенби? Садыр Жапаров келгенден кийин да кландардын күчү аркылуу кызматка барууга ашыгып, бирок тилеги ишке ашпай калганы айтылууда. Айтмакчы, Молдомуса Конгантиев министр кезинде Рыскул Жапаркуловду Сокулук РИИБ начальнигине койсо, 7-апрелдеги төңкөрүштөн кийин анын мал-мүлкүнө көз артканбы?.. Кыскасы, Кара-Балта мэрлигине социалдык-экономиканы билген, өндүрүштү өздөштүргөн кадр келсе болбойт беле? “Бөдөнөнү сойсо да касапчы сойсун” дейт эмеспи. "Азия Ньюс" гезити
