Октябрь РИИБден Эмирлан Зарылбек уулун УКМК сүйрөп чыгабы?
Өлкөдөгү чоң саясый окуяларга жогорку төбөлдөр алаксып жатышып, Октябрь РИИБ начальниги Эмирлан Зарылбек уулу унутулуп, кызматтан кетпей калганы түшүнүксүз. Бир тууган иниси З.Э.З УКМК тарабынан 1,1 кг героин менен кармалып, тергөө иштери такталып, сот тарабынан 13 жылга эркинен ажыратылган. Оор кылмыш иши толук кандуу далилденип жатат. Мындай шартта агасы Эмирлан Зарылбек уулу токтоосуз түрдө кызматтан алынышы зарыл. Мыйзамга, этикага бап келет. Анда эмнеге милициянын бетине чиркөө болуп, коомчулук астында ИИМдин бетине көө жабууда? Акыл-эстүү, мыйзамды сыйлаган адамдар баа берсе дейли. Же буга сөзсүз эле Камчыбек Ташиев киришип, Октябрь РИИБден Эмирлан Зарылбек уулун УКМКнын оперлерине сүйрөтүп чыгарышы керекпи? Ашмалтай болуп атса аткарып салышы деле мүмкүн го? Азыр баардык терс көрүнүштөргө Ташиев айласыздан өзү киришип аткан чак...
"Азия Ньюс" гезити
