Акыркы кабарлар
» Саясат » Камчыбек Кыдыршаевич кедейлердин колдоосуна ээ боло баштаганы байкалууда
Камчыбек Кыдыршаевич кедейлердин колдоосуна ээ боло баштаганы байкалууда
05-февраль, 09:00
Кыргызстанда “итке минген”, кедей жашаган элибиз 2 миллион 300 миң чамасында бар. Бул статистикалык көрсөткүчтөрдө далилденип, жазылып келет. Эми ушул калктын тең жарымы өтө жакырлар. Айтор, абалыбыз жакшы эмес. Көпчүлүк ичинде, дээрлик байкоолордон соң кедейлер Камчыбек Ташиевдин байларга карата жасаган “аңчылыгын” жактырып жатышканы айтыла баштады. Бул саясат мындан ары күчөшү мүмкүн. Келечекке карай Ташиев 1 миллиондун тегергинде электорат таба алабы? Бул көрсөткүч Жалал-Абаддан эле эмес, жалпы республика боюнча жана кыйналган мигранттардын ичинен кошулушу ыктымал. Дал ушул идеяны, эртеңки кадамды көпчүлүгү ойлошпосо керек. Табигий философиядан алганда, байыртадан байлар менен кедейлер карама-каршылыкта келишет. Алсыздарды, колунда жокторду жактагандар жеңишке жетишет. Таш доорунан, же орто кылымдардан берки аракеттерди салыштырып көргүлө. Андыктан, Камчыбек Кыдыршаевич саясаттын өзөгүн кармаганы келечекке таасир этиши – реалдуулукка айланабы? Кокус жолдон адашпаса. Калганына дагы саресеп сала туралы. "Азия Ньюс" гезити
