ИИМ жаздагы башаламандыктын алдын алып, бөгөт койгону кабарланды
Сырткы күчтөр тарабынан жазга карай ири көлөмдө акча бөлүнсө, Батыштын долбоорлору менен иштегендер жана башка саясый топтор аралашып, өлкөдө туруксуз абал түзүлөт беле? Айрым күч органдарынын баамында, 500 миллион долларга чейин Батыштан каржы булагы ачылмакпы? Ооба, суроолор бар. Жыйынтыгында, ички иштер министри Улан Ниязбековдун тыкыр көзөмөлүндө каралып, 10-башкармалыктын начальниги Урмат Жумабеков өздүк курамы менен алдын ала тийешелүү деңгээлде иштеп, башаламандык жасоону токтотууга жетишкени кабарланды. Бир кыйла операциялар тездик жана сапаттуулукта жасалып, чечкиндүү аракеттер көрүлгөнү да жөн жерден эмеспи? Эгерде ири көлөмдө акча агылып келсе, коомчулук ичиндеги түрдүү топтор, сырткы долбоорлор аркылуу иштешкендер кыйынчылык жаратып коюшмакпы? Эң башкысы, мамлекетибизде согуш болбой, туруктуулук сакталып, элибиз тынчтыкта жашасын!
Эске салсак, президент Садыр Жапаров буга чейин тышкы күчтөрдүн каржылоосун, алардын бузукулугу менен бүлүк салгысы келгендер боюнча да айткан.
