Жапыкеев “конторский” Мамыткановду партиядан кууп чыкканы калдыбы?
Эгерде Сыймык Жапыкеев “конторский” Максат Мамыткановду “Чоң казат” партиясынан кууп чыкса, анда чыныгы оппозиция болот. Эмне үчүн? Себеби, УКМКда иштеп кеткен адам өмүр бою “конторский” катары кызмат кыларын билесиңерби? Иш жүзүндө Мамытканов “Чоң казаттын” лидери болумуш этип, Сыймык Жапыкеевди көзөмөлдөш үчүн келгенби? Бийликке каршылык көрсөткөн жасалма күч катары таанылуу менен бизнес кылабы? “Шибегени капка ката албайсың” дейт. Башкаруу таризиндеги кысууга чыдабаган Жапыкеев өз алдынча саясатчы болууну ойлоп, акыры жаңжал салып, Мамыткановду кууп жиберүүгө бел байлайбы? Өзүнүн төл сөзүнөн алганда, “Кырк чорону” сийдирип койгондон кийин башкасы кеп бекен? Акыры жанында жүргөн УКМКны экс-начальнигин жоготсо, ошондо гана жолу ачылчудай. А болбосо бийликтин долбоору катары сыпаттала берет да, туурабы?..
Aryba.kg