Кундуз Жолдубаева 2023-жылкы президенттик шайлоого аттанабы?
“Социал-демократтар” партиясы Жогорку Кеңештин шайлоосуна аттанган. Арасында кыйратчу деле фигуралар жокко эсе. Кашайып, булар Кундуз Жолдубаеваны 20-орунга жазып алышканы таңкалтырды. Мындай болбойт да!
Иш жүзүндө Кундуз Жолдубаева тизмеден чыгып кетти. Саясый күрөштөрдү башынан өткөрүүгө, о.э. Алмазбек Атамбаевди сатпай, аягына чейин туруп берүүгө бел байлаган. Келечекте Кундуз айым өз алдынча оппозициялык күч түзүүгө кызыкдар. Аныгында лидер болуп, айланасына белдүү азаматтарды чогултса, балким, 2023-жылкы президенттик шайлоого аттанышы ыктымал. “Жандооч кийик аттырат” демекчи, кыргыздан Жаңыл Мырзанын заманбап үлгүсү чыкса болбойбу? Жигиттерибиз бычакка сап болбой саткынга айланган чакта, аргасыздан аялдын эрктүүлүгүнө, мамлекетчилдигине таянсак не?..
"Азия Ньюс" гезити
