Туманбаев шефи Илмиянов менен байлыктарын чечише албай жатышабы?
Пиардын үстүнөн түшпөй аткан Икрам Илмияновдун экс-шоопуру Каныбек Туманбаев маалымат каражаттарынан көрүнбөй калды. Себеби эмнеде билесиңерби? Жөнөкөй эле. Жакында Икрам Илмиянов түрмөдөн мөөнөтүнөн мурда бошоп чыкпадыбы. Экөө байлыктары боюнча териштирип жатышы мүмкүн. Буга чейин шефи бизнестерин, миллиондорун Каныбек Туманбаевге каттырганы каңкууланып келген. Сыягы, экөө көшөгө артынан эсептешип, чечише албай аткан суроолору бар беле? Эмнеси болсо да байлыктарын ачыктап, киреше булактарын көрсөтүп коюшпайбы? А болбосо “Мыйзамсыз баюу” беренеси көтөрүлсө кантишет? Айтор, жакында көп нерсе ачыкка чыкчудай... Айтмакчы, соцтармакта Каныбек Туманбаевди өзүнүн жердеши айыбын чыгарып койсо, ага кордук көрсөтүп атканы айтылууда. Журналисттерге күч колдоно баштаганбы? Саясатка аттанган адам сын-пикирди көтөрө билип, ага карата кемчиликтерин оңдосо гана өсөт, болбосо аңга барып мурду менен тыгылат!
"Азия Ньюс" гезити
