Ибрагим Нуракун жеңил пиар менен вируска ишенбөөчүлүк жараттыбы?
“Коронавирус – элди коркутуу, алаксытуу үчүнбү?” деген соболдор кырынан коюла баштады. Өкмөттөгүлөр “үйүр тобу” менен жабыла сүрөткө түшүп жатышса, маска кийишпесе, чоң шектин башаты го? Булары аз келгенсип, башка да алаңгазарлар чыгышканы өкүнүчтүү...
Жогорку Кеңештин чиновниги Ибрагим Нуракун уулу коронавируска чалдыкканын жар салып, бирок ооруканадан жамак жазып, тамаша айтып, иштеп жатканы кандай? Ооруган адам бүк түшүп, эч нерсеге маанайы жок болот эмеспи. Тескерисинче, Ибрагим Нуракун уулу ар ким менен видеозвонокторун жарыялап, жыргап жатса, коронавирус болгонуна ким ишенет?.. О.э. Бишкек шаарынын мэри Азиз Суракматовдун да дене табы көтөрүлүп, сыркоолоп калганы айтылган. Кызыгы, ал дагы эргүү менен эмгектенгени эмнеси? Же вирус жугузгандар активдешип, энергиясы ашып-ташып кетишеби? Айтор, суроолор көп, түшүнбөйсүң...
Дал ушундай чиновниктердин жеңил пиарынан улам эл арасында ишенбөөчүлүк жаралып, “жасалма вирус” катары пикир калыптанып жатпайбы! Артыгынан тыртыгын чыгаргандар коомчулук алдында шек жаратып салышса, деги ушул эргулдарды тыйып койчу акыл-эстүү жан калбадыбы?..
Aryba.kg