Алтынбек СУЛАЙМАНОВ, “Бир Бол” фракциясынын лидери: “Бир Бол” партиясы парламенттик шайлоого өз алдынча аттанат”
-- Алтынбек мырза, аз күн мурда “Кыргызстан” партиясынын съезди болуп өттү. Азырынча бул саясый топко коомчулуктун назары бурулууда. Сиздин көз карашыңыз кандай?
-- “Кыргызстан” партиясы түптөлгөндөн бери алардын лидерлери менен түз көз караштамын. Керек болсо тилектеш да болуп, саясатта чогуу келатабыз. Негизинен “Кыргызстан” партиясына ниетим түз. Элге кызмат кыла турган мекенчил жигиттер бар...
-- Эмдиги жылкы парламенттик шайлоодо “Бир Бол” партиясынын шансы жок экенин божомол кылгандар болууда. Күчүңүз жетеби?
-- Азырынча өзүбүзгө ишеним күч. Эч кандай саясый топтор менен кошулууну сүйлөшө элекпиз.
-- Учурдагы фракцияңыздагы депутаттар менен кайра шайлоодо утуп келүүгө ишенип атасызбы?
-- Биз фракциядагы депутаттар менен гана чектелбейбиз. Артыбызда өсүп келе жаткан жаш муундарга жана элибизге таянабыз.
-- Сиз “Ата Мекен” партиясы менен биригип кетпейсизби? Себеби, Өмүрбек Текебаевге мамилеңиз жакшы экенин байкайм...
-- Жо-ок. Азырынча андай биригүүлөр планда жок. Өмүрбек Чиркешовичти саясатчы катары баалайм. Үлгү алабыз... Бирок, “Бир Бол” партиясы парламенттик шайлоодо өз алдынча аттанат...
Асланбек САРТБАЕВ
"Азия Ньюс" гезити
