Журналист Гүлжан Шерипбаевага мамлекеттик машина каршы иштеди
“NazarNews” сайтын жаптыруу менен Акылбек Жапаров сөз эркиндигине кысым жасап, тарыхта дагы бир “кара так” жаратканын сездиби? Мамлекеттик жогорку чиновник сын-пикирге чыдамкай, бийик болушу керек эле. Тилекке каршы, майдачылыкка алдырып, өч алууга өтүп алды.
Ошентип, сайттын түзүүчүсү жана редактору Гүлжан Шерипбаевага мамлекеттик машина жапатырмак каршы иштеп, максаттарына жетишти. Албетте, бул убактылуу жеңиш. Мындай саясый күрөштөр Гүлжан айымды чыйралтат, бир эсе сабак катары көп нерсени талдоого негиз түзөт. “Кимдин ким экени кыйынчылыкта билинет” дегендей, бул да болсо сыноо. Өткөн чак менен келечекке абай салуу керек... Негизи Гүлжан кесипкөй журналист, тайманбас, өжөрлүгү бар. “AKULnews.kg” сайтын ачып жатканын, бийликтеги майда-чоң бузукулар менен кайрадан күрөшүүгө бел байлаганын жарыя кылды. Арка-бел болуп, ийгилик каалайбыз! Адилеттүү сөз, кара кылды как жарган калыстык сынбасын!
