Бакиев бийлигин бекемдегиси келгендер Сариевге атака кылышууда
Соцтармактарда Темир Сариевди күнү-түнү жамандагандар чыгууда. Жалданма интернет айдыңы, фейктер эмне себептен каралоого өтүшкөнү белгилүү. Ар дайым эл тарабында болуп келген “Ак Шумкардын” лидери жакында саясый арымын катуулатып, чечкиндүү кадамдарга бара турганы айтылууда.
Эске салсак, Бакиевдин режиминде Сариев оппозициялык лидерлердин сап башында турган. Ошол эле “Реформа үчүн” митингинде, кийин “Бириккен Фронддо” эрдиктерди көрсөтүп, аягына чейин күрөшүп, Акүйдүн шайын кетиргенин билебиз. Мына ушул толкундоолордун уландысы болуп, 2010-жылы Кыргызстанда революция кайталанды. Үй-бүлөлүк, кландык-криминалдык бийликти кулатууга Атамбаев, Текебаев, Отунбаева, Сариев ж.б. бир ууч саясатчылардын эмгеги бар эле...
Тагдырдын тамашасын кара, Атамбаев камалгандан кийин бакиевчилер ар тараптан баш көтөрө башташканы, шайлоого, башка да бийлик бутактарына жулунуп жатышканы жашыруун эмес. Мына ошол күчтөр Сариевди алдыртан саясаттан алсыратууга, каралоого алышканын эшиттик. Кызыгы, буга чейин байкалган эмес. “Балтырдагы бит башка чыгат” болуп атышабы? Көрсө, ичи бузуктар акырындык менен жылып киришип, чекесинен тыңчыкмаларды жайлаганга өтүшкөнү кандай? Темике да оңой жоо эмес, эми олуттуу карап, аяк-биягын жыйып алып, чечкиндүү түрдө салгылашууга чыкса керек...
Aryba.kg
