Акыркы кабарлар
» Саясат » Жетигеновдун иши жүрүшүп, Абдыкадыров артка кетти. Эки мэрдин орундары алмашабы?..
Жетигеновдун иши жүрүшүп, Абдыкадыров артка кетти. Эки мэрдин орундары алмашабы?..
22-сентябрь, 21:05
Ош мэри Бакыт Жетигенов шаардагы таза сууну чыгарып, чейрек кылымдан бери келаткан көйгөйдү чечти. Элдин эң башкы суранычы, талабы да ушул эле. Аткарылды. Ошту өнүктүрүү, таза кармоо жагынан мэрдин аракеттери айтылып, оң баа берилгенин угуп жатабыз. Бакыт Жетигенов ишкерликте жүрүп, эки ирет парламент депутаты болгонго да жетишкен. Жаш кезинен аткаруу кызматында иштебесе да өзөгү бар экен, Ош шаарын башкарууда бараандуу ийгиликтерди жаратып, мурда иштеп кеткен коллегаларынан алдыга озду. Көзгө көрүнгөн, колго кармалган эмгектерин тана албайбыз да.
Ошол эле учурда Бишкек шаарынын башчысы Эмилбек Абдыкадыров натыйжалуу жыйынтык көрсөтө албай, “талкалагыч” катары баратат. Эң жөнөкөй милдети – акыр-чикирлерди убагында тазалатпай, ашмалайы чыгууда. “Кымырмай” жагы унутта калдыбы? Сөз көп. Эки мэрдин орундарын алмаштырып койсок кантет? Балким Абдыкадыров Ошко барса оңолмок..."Азия Ньюс" гезити
