Эки президентти сатып, С.Жапаровго жармашкан А.Касымалиеванын жүрүшү
2020-жылы Октябрь төңкөрүшүндө Аида Касымалиева тактан кулаган Сооронбай Жээнбековдун жакын адамы катары күйүп-бышып, буркурап ыйлап жүргөн. Көрсө, жөн эле артисттенип, айлакерленип атыптыр да. Акырындык менен жаңы бийликке жылып кирип, Кыргызстандын БУУдагы өкүлү катары дайындалып алган. Кызмат үчүн Сокени оңой эле сатып кеткенине коомчулук ынанды. Садыр Жапаров АКШга барганда Аида Касымалиева жанынан чыкпай, өз киши катары шынаарлап, жабышып жүргөнүн көргөндөр жандан түңүлүшүптүр. Кызмат, байлык эмнеге гана алпарбайт? Кечээги күндөрүн унутуп, беткабын сыйрып салып кете бергени ушулбу? Убагында Алмазбек Атамбаевдин аркасы менен Аида Касымалиева КСДПдан депутат болуп, андан оомат тайганда оңой эле Сокеге өтүп, андан Сакеге секирди... Келечеги дагы алдыда окшойт...
"Азия Ньюс" гезити
