Капчагайдагы казинодон 300 миң доллар уттурдубу?
Акылбек Түмөнбаев 2020-жылы бийлик алмашкандан бери байып, сөөлөт күтүп калган. 2021-жылы парламент депутаттыгына өткөнү, кудасы президент болгону элге тааныла баштаганы ырас. Хансарай салып, кымбат баалуу жолтандабас минип, кадр саясатына аралашып, “шапке кийгизмей” бизнеси илгерилеп, айтор, Кыргызстандагы таасирдүү адамдардын алдыңкы сабына чыкканы ушулбу? Ооба, эл көзүнө көрүнүп калды. Тойлорго барса да төрдө отурат. Кыскасы, баардык жагынан шайма-шай. Дагы бир кызык жагдай, Акылбек Түмөнбаев Казакстандын Капчагайына барып, казино ойноп, 300 миң доллар уттурганы ыраспы? Элитанын тар чөйрөсүндө бул кеп кызып, дуулдап турган чагы. Чек арадан канча жолу кирип-чыкканын, кайда барганын УКМК менен ИИМ тез эле аныктап, тактап коёру калетсиз. Эгерде тана баштаса... Ошондо контрабандадан тапканын кумарга салып, кутуруп жүргөн чагыбы? Карапайым эл кыйналып жашап жатканда...
"Азия Ньюс" гезити
