Дипломатиялык академияны Акылбек Кылычев артка тартабы?
ТИМ алдындагы дипломатиялык академиянын ректору алмашты. Чынара Адамкулова кетип, ордуна Акылбек Кылычев келди. Тарых илимдеринин доктору экен. “Аты улук, супарасы курук” дегендей, аталган окуу жай канча жылдан бери оңолбой, алдыга карай өнүгүү баскычына өтө албай келет. Кыргызбайчасынан тааныш-билиш, тууган, дос-жардын таасиринен чыга алышпаса, анан кайдан өзгөрүү болсун? Кыргызстанда кадрлар “кол ийрисине тарткан” абалда коюлуп калбадыбы. Чыныгы профессионал, кесипкөй адистер четке сүрүлүп атса... Маселен, бул мекемеге дасыккан дипломатты дайындаса болбойт беле? Ушул тармактагы илимпоз, теория менен практиканы айкалыштырган жетекчилер бар. Тилекке каршы, алардын өкмөттө тууганы, же досу жок. Ушундай. Натыйжада, Акылбек Кылычевге окшогон таанышы барлар танка сымал алдыга чыгууда. Өкүнүчтүү.
"Азия Ньюс" гезити
