Акыркы кабарлар
» Саясат » “Табакташы” Жаныш Бакиев менен тең жарыша баш көтөргөн Карганбек Самаков
“Табакташы” Жаныш Бакиев менен тең жарыша баш көтөргөн Карганбек Самаков
03-апрель, 19:30
Кандуу режимдин тушунда Карганбек Самаков кыйла байыган. Жаныш Бакиевдин аркасы менен Чүй облусунан жүздөгөн гектар жерлерге ээлик кылып, карапайым калкты алдап кеткени менен таанылганы эсибизде. 2010-жылдан кийин артынан арыздар жазылып, чуулганга калган. Жерлерин алдырган жарандарыбыз зар какшашып, арызданып жатышып, акыры Карганбек Самаковду каматууга жетишкенин билебиз. Мыйзам алдында айыпталып, түрмөгө түшкөн. Убакыттын өтүшү, акчанын күчү менен кийин эркиндикке чыккан эле. 2020-жылы жаңы бийлик келгенде бир топ жагалданып, командага кошулууга жан үрөп, бирок четке тебилген болчу. Бул эргул өткөн чагы менен жаманатты кылуудан башка пайда алып келмек беле? Көптөн бери шүк жүрүп, соңку убакта кайрадан баш көтөрүп, блогерлерге өзүн мактатып, Садыр Жапаровдун жанына жете албай жатыптыр. Баш чайкайсың да. Билген адамга Карганбек Самаков бийликтин беделин түшүрүүгө гана жарайт. Башка жакшылыгын көргөн эмеспиз. Учурда Жаныш Бакиев кандай баш көтөрсө, бул өнөктөшү да козуп, кызматка жулуна баштаганы таңгалдырат. Түрмө сабак болбоптур да. Же дагы бир кирип чыкса оңолобу? "Азия Ньюс" гезити
