Тилекмат Куренов “жеңебиз” чагымчылык жасап коюп, качып жүрөт
Активист Тилекмат Куренов “жеңедей” эле шакылдап, бийликке каяша айтып, ар кандай чакырыктары менен атын чыгарып келет. Азыр чет өлкөдө качып жүргөн кези. Кемпир-Абад боюнча активисттерди дүргүтүп, чагымчыл сөздөрүн агытып атып, “куйругун түйүп” кеткен. Муну менен бирге жүргөндөр учурда камакта отурушат. Айрым маалыматтар боюнча, Тилекмат күч органдарына тымызын иштеп, оппозициячыл сын-пикир айткандарды аңга түртүп берип, өзү кутулуп кеткени каңкууланууда. Эң жаман нерсе – бул саткынчылык! Ошондо “жеңебиз” өмүр бою бетине чиркөө алып, сырттан башпаанек сураган кербезиби? Батыш өлкөсүнүн биринен калкалоочу жай тапса, өзүнө эле жыргал. “Чыйт” түкүрүп жашай берет. А түпкүрүндө акылына келбей койду го, түрмөгө деле жатып чыккан эле...
"Азия Ньюс" гезити