Талант Мамытов парламенттеги оппозициячыл топту жандантууга салым кошууда
Ушундай. Спикерликтен Талант Мамытов түшкөндөн кийин бийлик төбөлдөрүнө кыр көрсөтүп, Кемпир-Абад маселеси боюнча каршы добуш берди. Досу Өмүрбек Бакиров УКМК төрагасы Камчыбек Ташиев менен кайым айтышып, көпчүлүктүн көңүлүн бурду. Ошентип, бийликтин кадамдарына туруштук бере турган азганакай депутаттардын уюшмасы пайда болгонуна күбө болуудабыз. Дагы эмнени күтөбүз? Парламенттеги оппозициячыл топту жандантууга Талант Мамытов салым кошкону ачык байкалып, тымызын тиш кайрап, пландарды түзүп, каршылык көрсөтүүгө батыныптыр. “Дос айрылат, сөөк кайрылат” деп кыргызда бекер айтылбаптыр. Кечээги тилектештерине дагы кандай “оюндарды” жасай турганын мезгил көрсөтөт. Бирок, бийлик төбөлдөрү да жөн жатышпаса керек. Айыгышкан тирешүү кандай аяктай турганына саресеп сала туралы.
"Азия Ньюс" гезити
