Акыркы кабарлар
» Коом » Токмокто жаңы төрөлгөн ымыркайдан коронавирус табылды
Токмокто жаңы төрөлгөн ымыркайдан коронавирус табылды
07-апрель, 11:53
Чүй облусунун Токмок шаарында жаңы төрөлгөн ымыркайдан коронавирус аныкталды. Бул тууралуу аймактык кабарчыга өздүк булактар билдирди.
Токмок шаардык ооруканасы маалыматты тастыктап, төмөнкүлөрдү билдирди: «17-мартта төрөт үйүнө шашылыш түрдө бир келинди алып келишкен. Ал мурда операция жолу менен төрөгөн экен. Бул жолу дагы операция менен төрөттүк. Андан соң дене табы көтөрүлүп, анализ алынды. Ошондо энесинен дагы, жаңы төрөлгөн ымыркайынан дагы коронавирус аныкталган. Бирок эч кандай белгилери билинбей, ооруган жок. Ошентип 25-мартка чейин изоляцияга алынып, кароодо болду. Кийин үйүнө чыгарылып, ал жакта дагы медицина кызматкерлеринин көзөмөлүндө болду. Ал бизге келердин алдында бир жерден жугузуп алган окшойт. Азыр абалы жакшы».
