Президенттин саясатына каршы чыккан ОшМУнун ректору Кудайберди Кожобеков
Президент Садыр Жапаров «Улуттук нарк тууралуу» жарлыкка кол койду. Башкы уңгубуздан алыстап бараткан жаштарга улуттук наркты жеткирүү максатында мамлекеттик катчы Сүйүнбек Касмамбетов башында туруп, илим-билимдүү ак чач профессорлор ушул жарлыкты иштеп чыгышты. “Улуттук баалуулуктар “Манаста” деп мамкатчы С.Касмамбетов баардык жерде улуу-кичүүгө, карапайым элге да, илимдин каймактарына дагы жеткидей кылып, илимий конференцияларда, юбилейлерде, Ошто, Ат-Башыда, Ысык-Көлдө сүйлөгөн программалуу сөздөрүндө айтып келатат. Ал эми ОшМУнун ректору Кудайберди Кожобеков аны укмаксан болуп, “улуттук наркыңыз өзүңүзгө эле буюрсун” дегенсип, “Манас таануу предметин ОшМУда окутпайбыз” деп чыкты. Көзүн май баскан бул ректор “улуттук идеологияңды урганым жок” дегендей эле мамиле кылып, “крышасы” Сокенин кезиндегидей эле тайраңдап жатат окшойт.
Айтмакчы, шайлоого байланыштуу Кожобеков кызматынан алынып, чуу чыгып, кылмыш ишине тартыла жаздаганы эсиңердеби? Ошондо жең ичинен экинчи “эгеси”, коррупцияга шектүү Нурлан Сулайманов сактап калды беле? Күдүк суроолордун түйүнү да чечилет...
"Азия Ньюс" гезити
