Пандемияда милдетин аткара албаган Аида Исмаилова элчи катары да мүдүрүлдү
Кыргызстандын Түштүк Кореядагы элчилигине Аида Исмаилова кетип жатканда коомчулукта каршылыктар, олуттуу пикирлер айтылган. Себеби, бул айым Сооронбай Жээнбековдун тушунда вице-премьер-министр катары иштеп, пандемия учурундагы шалаакылыгы, өз милдетин аткара албаганы үчүн айыпталган. Мамлекет тарабынан гумжардамдар, дары-дармектер тийешелүү деңгээлде жеткирилген эмес. Андагы бийликтин “жең ичинен” жасалган коррупциялык иштери канча ирет талкууга алынды? Айтор, жек көрүү сөздөрү курчуган. Баары элдин эсинде... Тилекке каршы, жаңы бийликтин келиши менен Аида Исмаилова Кыргызстандын Түштүк Кореядагы элчиси болду. Сүрөткө түшүп, “мода” көрсөткөндөн башка кылыктарын көрө алган жокпуз. А баса, Аида айым Кыргызстандан эмгек мигранттары келерин жар салып, пиар жасаган. Буга бир топ мекендештерибиз даярданып, кредит, карыз алышып, а жыйынтыгында жумушка илинбей калышканы кандай? Бул маселе боюнча дыкат текшерүү жүрүп, жообу берилеби? Элчинин Кореяда иштей албасы башында эле билинген, бирок сырдуу азгырыгы менен кызматты илип кетип, аягын көрүп атасыңар. Ишпалдасы чыгууда...
"Азия Ньюс" гезити
