Акыркы кабарлар
14:12
» Саясат » Владимир Зеленский: “Биз дүйнөнү өзгөрттүк, өзүбүз өзгөрдүк”
Владимир Зеленский: “Биз дүйнөнү өзгөрттүк, өзүбүз өзгөрдүк”
24-август, 20:47
Украина бүгүн, 24-августта эгемендик күнүн белгилеп жатат. Өлкө СССРден бөлүнүп чыкканына туура 31 жыл болду. Бул күнү Россия украин жергесине басып киргенине толук алты ай болду.
Украин президенти Владимир Зеленский көз карандысыздык майрамына байланыштуу кенен видео кайрылуу таратып, калкты куттуктады. Ал эгемендиктин алгачкы 30 жылы менен соңку алты бир тең болгонун, Россия аларды багынтып алууга аракет кылганы менен Украина эркин өлкө бойдон каларын билдирди.
“Бул алты айда биз тарыхты өзгөрттүк, дүйнөнү өзгөрттүк жана өзүбүз өзгөрдүк. Эми биз ким бизге дос, ким бизге душман экенин, ким жөн эле тааныш экенин жакшы билебиз. Кимдер өз атын жана репутациясын жоготкон жок, кимдер террорчулардын жүзүн сактагысы келгенин да айра таанып алдык. Кимге биздин керегибиз жок, кайсы жерде бизге дайым эшик ачык экенин да билдик. Кимдер ким экенин түшүндүк. Бүтүн дүйнө украиндер ким экенин көрдү. Украина кандай экенин да билди. Эми алар бизди жөн гана Россиянын жанындагы өлкө деп аташпайт. Биз өзүбүздү сыйлап калдык. Кандай гана жардам болбосун өзүбүздүн эгемендигибиз үчүн өзүбүз күрөшө турганыбызды түшүндүк. Биз чындап бириктик” деди Владимир Зеленский.
