Акыркы кабарлар
» Саясат » Кыргыз улуттук университетине жаңы ректор дайындалды
Кыргыз улуттук университетине жаңы ректор дайындалды
23-август, 17:34
Төлөбек Абдырахманов Жусуп Баласагын атындагы улуттук университеттин ректору болуп дайындалды. Тийиштүү жарлыкка президент Садыр Жапаров кол койгонун мамлекет башчынын басма сөз кызматы кабарлады.
Аталган окуу жайын 2017-жылдан тартып Канат Садыков жетектеп келген. Ал эми Төлөбек Абдырахманов Ишенаалы Арабаев атындагы Кыргыз мамлекеттик университетинин ректору кызматын аркалаган.
Президент Садыр Жапаровдун 18-июлда кол койгон жарлыгына ылайык, беш жогорку окуу жайына өзгөчө макам берилген. Алардын арасында Жусуп Баласагын атындагы кыргыз улуттук университети дагы бар.
