Көзүмө чөп салган, басмырлаган күйөөм менен жашап кете аламбы?

11-декабрь, 12:30

2 867 ᠌ ᠌ ᠌ ᠌᠌ ᠌ ᠌᠌

Күйөөм менен жашаганыма 6 жыл болду, бир уул, бир кызыбыз бар. Күйөөм ушул мезгилге чейин мага жаман мамиле кылып, эч нерсеге жардам бербей, баардык ишти мойнума илип, сүйлөсөм жооп бербей же кагынып калчу. Көзүмө “чөп салып”, анысы эл алдында ачыкка чыккан соң баарын жыйыштырып коюп, үйүмө кетип калгам. Эми күйөөм “мени ойлобосоң да балдарды жетим кылба, балдарды ойло, жарашалы” деп жатат. Бирок мен күйөөм менен жарашкым келбейт, жаман мамилесинен, тескери көз карашынан чарчадым. Чоочун кыздарга жакшы көрүнгүсү келген, мени басмырлаган баягы мамилеси оңолуп кетерине ишенбейм деле. Баягы жашоом кайталанат. “Балдарым атасыз кандай өсөт?” деген гана ой түпөйүл кылууда. Мага кандай кеңеш бересиздер?

Алия  

"Азия Ньюс" гезити