Акыркы кабарлар
» Саясат » Кыргызстан менен Индия Бишкекте IT борборун ачууну макулдашты
Кыргызстан менен Индия Бишкекте IT борборун ачууну макулдашты
21-декабрь, 12:06
Кыргызстандын жана Индиянын тышкы иштер министрлери Руслан Казакбаев менен Субраманьям Жайшанкар 19-декабрда Нью-Дели шаарында өткөн “Индия-Борбор Азия” диалогунун алкагында жолугушту.
Бул тууралуу министрликтин басма сөз кызматы кабарлады. Сүйлөшүүлөрдүн жүрүшүндө министрлер ар тараптуу Кыргызстан-Индия кызматташтыгын талкуулашты. Тараптар Кыргызстандын президенти Садыр Жапаровдун “Индия-Борбор Азия” саммитинин алкагында 2022-жылдын январында Индияга боло турган иш сапарына даярдыкты да сүйлөштү.
Индия-Борбор Азия өлкөлөрүнүн ортосундагы эки тараптуу мамилелерди кызматташуунун жогорку деңгээлине көтөрүүгө кызыкдар экенин билдирди. Эки өлкөнүн дипломаттары Кыргызстан менен Индия быйыл бир катар эки тараптуу маанилүү иш-чараларды өткөрүүгө жетишкендигин белгилешти. Тараптар эки мамлекетте тең кыргыз-индус бизнес-форумдарын өткөрүү, Индиянын гранттык жардамы аркылуу биргелешкен долбоорлорду ишке ашыруу боюнча 200 миллион доллар өлчөмүндөгү кредит тууралуу макулдашууну тездетүү, анын ичинде Кыргызстандын университеттеринин биринин базасында Бишкекте билим берүү IT- борборун ачууну макулдашышты.
