Канатбек Исаевди каралоого алгандан бери кадыры эл ичинде көтөрүлүүдө
Кокон хандыгынан бери Шералынын чокоюн бекеринен мисал кылышпаса керек. Өткөн чагыбызды унутуу жарабас... Оппозиция лидерлигине Канатбек Исаевдин көрсөтүлүп атканы талкууга “жем” таштады. Күчтүү фигуранын артынан дайыма сөз ээрчийт эмеспи. Өзгөчө фейк-троллдор жанданып, жеке жашоосуна чейин кийлигишип кетишкени, каралоо кампаниясы орун алганы өкүнүчтүү. Эмне үчүн? Себеби, мурдагы бийликтер да оппонентин жерден алып көргө чапкандай эле жамандашчу. Өзгөрүүсүз эски жоруктар кайталанып атканы кейитет. А “Көкжалды” канчалык шыбашса да маани бербестиги, кабак-кашы бир калыпта экени белгилүү. Тескерисинче, маалыматтык чабуулга калганы менен аброю көтөрүлүп, эл ичинде кадыры артып баратат. Андыктан, арыдан-бери болуу менен саясый таза күрөшкө көңүл бурбайлыбы?
"Азия Ньюс" гезити
