Умрага жиберген турфирма эмнеге унчукпайт?
Белгилүү драматург Бурул Калчабаева эжебиз социалдык баракчасынан умрага жиберген турфирманы сынга алды.
“Умрага билип туруп жиберген, азыр тымпыйып отурган ар бир турфирма миллион сомдон чыгарсын. Анан тиги шаңкылдаган шайыр кемпирлерди алып баргандар дагы. Эки киши айтыша кетсе эле “моралдык чыгым төлөсүн, ар-намысыма доо кетти” деп соттошуп жатып калабыз. Эй, улуттун ден соолугуна доо кетип жатат! Күнүмдүк эмгеги менен кара жанын баккан карапайым эл азап тартып жатат. Бүтүндөй мамлекеттин ишин (жаманбы-жакшыбы кылдырап иштеп жаткан) өкмөттүн ишин тоскоолдукка учураттыңар! Бүгүн коронавирус эмес, айдалган жер, жаздоону карай көчкөн мал тууралуу сөз болуш керек эле. Төлөшсүн! Кылгылыкты кылып, кыл жип менен бууп коюп, кылтыйып карап турушпасын”.