Прогноз погоды в городе Бишкек
Акыркы кабарлар
» » Чолпонбек Абыкеев: “Бул кызматты менден башка ким аткара алмак эле?”

Чолпонбек Абыкеев: “Бул кызматты менден башка ким аткара алмак эле?”

16-июль, 01:29
3 398 ᠌ ᠌ ᠌ ᠌᠌ ᠌ ᠌᠌

-- Жакында эле мамлекеттик катчы кызматына дайындалдыңыз. Сиздин негизги аткарган ишиңиз эмнеге байланышкан? Кайсы багытта?

-- Мамлекеттик катчылык жалпысынан идеологияга жооп берет. Бул кызмат 2010-жылкы Конституцияга киргизилбей калгандыктан, коомдун айрым бир катмарына түшүнүксүз болуп калыптыр. Болбосо, мындай мартабалуу кресло 2010-жылга чейин иштечү. Эми мамлекеттин руханий-маданий, социалдык тармагын дагы мындан ары мамлекеттик катчы көзөмөлдөйт. Ошондой эле аткаминерлердин этикасын, маданиятын, идеологиялык ишин карайт. 

-- Өз ишиңизди эмнеден баштадыңыз?

-- Ишти мамлекеттик жана муниципалдык кызматкерлердин этикасын кабыл алуудан баштап атабыз. Азыр ошону жазуунун үстүндөбүз. Бир-эки жуманын ичинде толук бүтсө, талкууга коёбуз. Анан ал президенттин указы менен бекитилсе, ишке кирет. Ал эми этиканын аткарылышын кайра эле мамлекеттик катчы өз көзөмөлүнө алат. 

-- “Мамлекеттик идеология жок же болбосо чаржайыт” деген сөздөр коомчулукта көп айтылат эмеспи. Буга кандай дейсиз?

-- Мамлекеттик идеология жок эмес. Ал бар. Болгону сиз айткандай чаржайыт. Системага коюлбаптыр. Мисалы, өлкөдө өтүп жаткан 100, 120 жылдык той-тамашалар бар... Эми мына эгемендүүлүктүн 30 жылдыгына даярданып атабыз. Булардын баары мамлекеттик идеологиянын негизинде жүргүзүлөт. Ушул жагы тартиптен башталат. Эгер аны катуу көзөмөлгө алсак, ал системага салынып, кайра калыбына келет.

-- Сиз бул кызматка кандайча дайындалып калдыңыз?

-- Муну президент өзү жеке чечет. Мага сунуш кылынды, баш тарткан жокмун. Иштеп берүүгө дилгирлигимди көрсөттүм. Учурда идеология маселеси оор болуп турганда, президентке жана мамлекетке жардам берүүгө мезгил келди. Сунушка макул болдум. Экинчиден, өзүм дагы 40 жылдан ашуун убакыттан бери идеология багытында иштеп келаткан адаммын. 

-- Башында Каныбек Осмоналиевдин мамлекеттик катчылыкка бара турганы айтылып аткан. Ал киши үчүн да бул кызматка сиздин дайындалганыңыз күтүүсүз болгондой...

-- Мен ал кишинин ойлоруна комментарий бербейм. Ар бир адамдын өз ою бар. Бирок менин дайындалышым буйрук, бул президенттин жеке тандоосу болду. Чындыгында мамлекеттик катчы болорумду билген эмесмин.

-- “Журналист мамлекеттик катчылыкты аркалап кете алабы?” деген суроолор коюлууда. Сиздин пикириңиз?

-- Сиз өзүңүз журналистсизби? Менимче, журналист эмес окшойсуз (күлүп). Анткени, журналист – бул идеологиянын төбөсүндө турган адам. Анын башаты калемгерликтен башталат. Мен өмүр бою идеологияда иштеп келатсам, бул кызматты менден башка ким аткара алмак элеМенин кесибим журналист, өмүр бою...


Мээрим Асанова 

"Азия Ньюс" гезити

Бөлүшүү:



Тектеш материалдар:

Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Садыр Жапаров кудаларына тебетей тараткан тасма тарады
Калдарбек Абдраманов: “Эч кандай экинчи-үчүнчү толкун жок, болбойт дагы!”
(Видео) Молдокенин моокум кандыра албаган тасмасы...
Aryba.kg - Маалымат порталы
Сайтка баа бер