Умбет Кыдыралиев досу Ташиевге кайдыгерби? Ушинтип мандатын сактап калса...
Депутат Умбет Кыдыралиев тымпыйып, унчукпай жашоо кечирүүдө. Камчыбек Ташиев УКМКнын төрагасы кезинде эң жакын досу болуп, айланчыктап жүрчү. Кошомат кылса, жанына киши чыдап тура алчу эмес беле? Баласын УКМКга жетекчилик кызматка чейин көтөргөн. Көмүскөдөн көп кызыкчылыктарын бүтүрүп келгени каңкууланууда. Натыйжада, Ташиев сурак берип, соцтармактан “таландыга калып” атканда Кыдыралиев үн катып, пикирин айтып, сүйлөп койбойбу? Ушундай да дос болобу? Айтмакчы, көмүскөдөн оюнга катышкан, “колтугунда котур таштуу” бир топ депутаттар мандаттарын таштап кетишти. Дагы да жазага тартыла тургандар кылтыйып отурушкандыр... Ошолордун арасында Умбет Кыдыралиев да башын калкалап, аман калабы? Деги эле мандатын сактап калууга моралдык укугу барбы?..
