Милиция кызматкерлерине “Альфа” тарабынан коркунучтар жаралса, “Дөөгө” окшоп качып кетишери каңкууланды
12-июлда жүздөй “Альфа” кызматкерлери “Дөөнү” издешип, үйүн, сарайын тинтип, эч нерсе таппай келишет. Жаалданып алышканы кабарланды. Мындай көрүнүштөн соң, катуу буйрук алышканы байкалууда.
Сокенин режимин эске салсак, Кой-Таш окуясында “альфачылар” Алмазбек Атамбаевди да кармай алышпай, колго түшүп калышкан. Ур-тепкиге алынышып, бирөөсүнө жаңылыш ок тийгени белгилүү. Экс-президентти колго түшүрө албай коюшканда, акыры Курсан Асанов сүйлөшүү жолу менен алып чыккан.
Кызыгы, булар милиция кызматкерлерин кармоого, камакка алууга кыйын. Парага айыптоо менен эле кылтакка иле беришет. Байма-бай десең. Жогорку окуялардан кийин кызык кептерди угуп атабыз. Эми милиция кызматкерлерине “Альфа” тарабынан коркунучтар жаралса, “Дөөгө” окшоп качып кетишерин каңкуулап жатышыптыр. Ошондо кандай? Майнапсыз эле кубалашып жүрө беришеби? Балким курч сюжеттүү комедия аралашкан кинонун сценарийине идея беришет, ким билет? Бали!
"Азия Ньюс" гезити
