Улан Рысбеков, полковник: “Суваналиев Ала Тоо аянтына чыкканда, Акматбаев качып кеткен...”
Полковник Улан Рысбеков калыстыкты, чындыкты айтканы менен өзгөчө адам. Анын ушул сапаты жогорку деңгээлдеги карьера жасоого бут тосту окшойт. Бул эми башка кеп.
Биздин токтоло турган жагдайыбызга келсек, соцтармакта генерал Өмүрбек Суваналиевди фейктер каралап атышыптыр. Мына ошондо Улан Рысбеков чыдабай кетип, адатынча акыйкаттан кеп салганын учкай келтирели. “Рысбек Акматбаевди, Камчы Көлбаевди титирете коркутуп, сездиктирип турган Жеңиш Жакыпов, Өмүрбек Суваналиев жана Чыныбек Алиев болгон. Убагында президент, министр, чиновниктер кол куушуртуп, Рысбекке салам беришип, боз үйгө чейин жалдырап барышкан. Ошондо генерал Суваналиев Ала Тоо аянтын тартипке келтирүү үчүн чыкканда, Акматбаев качып кеткен...” деп билдирди Улан Рысбеков.
Ошентип, кыйын кырдаалдар эскерилет экен. Бул мезгилдин үнү. Опурталдуу окуялар, каармандар легендага айланып, аларга карата баа берүүлөр эртеби-кечпи түз мааниде баяндалат тура.
