Акыркы кабарлар
» Саясат » Владимир Путин Тажикстандан кийин Түркмөнстанга барды
Владимир Путин Тажикстандан кийин Түркмөнстанга барды
29-июнь, 20:13
Россиянын президенти Владимир Путин Тажикстандагы сапарынан кийин Түркмөнстанга барды. Кремлдин сайты 29-июнда билдиргендей, Путин Ашхабадда Каспий саммитине катышып, эки тараптуу сүйлөшүүлөрдү өткөрөт. Буга чейин саммитке Азербайжандын, Казакстандын, Ирандын жана Түркмөнстандын лидерлери да катышары кабарланган.
Бир күн мурда Путин орус күчтөрү Украинага басып киргенден бери биринчи жолу Россиянын аймагынан чыгып, Тажикстанга барган. Ал Душанбеде тажик президенти Эмомали Рахмон менен жекеме-жеке сүйлөшүүлөрдү өткөрдү. Сүйлөшүүлөрдүн журналисттер үчүн ачык бөлүгүндө Рахмон соңку беш ай ичинде Тажикстандын Россия менен соода жүгүртүүсү дээрлик 50%га өскөнүн, башка тармактарда да кызматташтык илгерилеп жатканын айтты.
"Өзгөчө биздин өлкөлөрүбүздүн коопсуздук тармагындагы жакын кызматташтыгын баса белгилегим келет. Сиз менен мамилебиздин келечегин, ошондой эле Ооганстандагы кырдаалга басым жасоо менен эл аралык жана регионалдык маселелерди талкуулоого даярмын” деп билдирди Рахмон.
